Heñói táva Paraguay, Paraguái retãme. Ñe'êpapára, mombe'uhára, marandu myasãihára haipy, puhoe ha ta'agambyry rupive; crítico, jeporekahára, editor, ñe'ẽmbojereha ha mbo'ehára universidad pegua, abogado, diplomático ha político. Ojapo heta postgrado universidad Francia ha España-guápe. Mbo'ehára heta universidad hetãmeguápe ha Tesis sãmbyhyha Universidad Nacional de Asunción-pe. Mbo'ehára visitante heta Universidad América Latina ha Europa-guápe. Editoriales Alcándara ha Araverá editor ha járakue (60 aranduka arimi, Paraguái Ñe'ẽpoty rehegua ha heta umíva apytépe tembiapo asýpe osẽva'ekue).

Aranduka: Mancuello y la Perdíz (Mombe'upyrysu, aranduka paraguaigua osẽ ha iñasãi hetaveva'ekue tetã ambuére -Parguái, Perú, Chile, Ecuador ha España, ko tetã ipahapeguápe, colección Cátedra rupive-), Guarania del desvelado (Editorial Losada, Buenos Aires), El Júbilo Difícil, Poesía congregadas y otros afánes (ñe'êpoty ha po ensayo heta tembiapo porã Barroco España-gua rehe) Cantata del pueblo y sus Banderas Torrenciales (ñe'ẽpoty ombopurahéiva Carlos Noguera ha opurahéiva heta aty), Papeles de Última Altura (ensayo), Mercados y Ferias del Paraguay (jehaipy ta'ânga ryru rehegua), Cocinas del Paraguay. Hembiapokue oñembojere inglés, francés, italiano, portugués ha yidish ñe'ẽme. Omoheñói ha omyakã ypy Asociación de Escritores del Paraguay. Heta jey oho preso ha ojejapi Alfredo Stroesner dictadura militar aja. (1954-1989. Omba'apo va'ekue Ley guasu, oguatáva gueteri ko'ágã meve(1992) apópe. Mba'apohára Naciones Unidas-pe Santiago de Chile ha New York-pe (11 ary aja). Tetã Paraguái embajador Chile (3 ary) ha Ecuador-pe (4 ary). Paraguái Ñe'ẽnguéra Sãmbyhyha (jasypoapy 2011 guive jasypoapy 2013 peve).