Logotipo.png
PÑS ohechakuaa ñe’ẽreko mombareterãramo ñe’ẽpoty aty osẽva guarani ha gallego-pe
Publicado: 05/27/22 05:33:a. m.

Apoukapy Ppy 44/2022 rupive, Paraguái Ñe’ẽnguéra Sãmbyhyha (PÑS) ohechakuaa ñe’ẽreko mombareterãramo tembiapo hérava “Rosalía ñe’ẽ poravopyre (Escolma poética de Rosalía)”, ñe’ẽpoty aty osẽva guarani ha gallego ñe’ẽme. Ko aranduka omono’õ heta ñe’ẽpoty gallego-pe ohaiva’ekue haihára katupyry Galicia-gua Rosalía de Castro ha omoguaranipyre Susy Delgado.

Ñe’ẽ Rape’apo Moakãhapavẽ omoneĩ rire, PÑS oguenohẽ apoukapy he’ihápe ko tembiapo ha’eha ñe’ẽreko mombareterã, ojehechakuaávo omono’õha umi jehechakuaarã oĩva oguerekóva ko temimoĩmby ha oguatágui avei Léi 4251/10, Ñe’ẽnguéra Rehegua ári, ñañe’ẽvo guarani jehetejora ha ñemoasãi rehe.

Ko aranduka osẽva guarani-gallego ñe’ẽme hérava “Rosalía ñe’ẽ poravopyre (Escolma poética de Rosalía)” ojekuaauka ñepyrũ ko arapo ohasava’ekuépe, 26 jasypópe, Universidad de Vigo, Galicia, España-me. Omoguaraniva’ekue ko ñe’ẽpoty aty omoirũ ko aty tembipurupyahu rupive.

Susy Delgado peteĩ ñe’ẽpapára ha ñe’ẽasahára katupyry (guarani ha castellano), Guarani Ñe’ẽ Rerekuarapavẽ ha omoirũ Tetã Arandupy Sãmbyhyha rembiapo ñe’ẽnguéra rehe. Oñembojopói chupe 2017 arýpe Premio Nacional de Literatura-pe.

Compartir esta noticia

Últimas Noticias Publicadas