Logotipo.png
​Oguata ohóvo iñe’ẽngúva ñe’ẽ léi ñemohenda oñemoañete hag̃ua hekopete
Publicado: 06/16/22 10:07:a. m.

Aty’i Conadis pegua hérava Subcomisión de Información, Comunicación y Lengua de Señas, omoakãva Paraguái Ñe’ẽnguéra Sãmbyhyhára, Ladislaa Alcaraz de Silvero, omba’apo ko arapópe ogueroguatave hag̃ua Léi 6530/20, “Que otorga el reconocimiento oficial a la lengua de señas paraguaya (LSPy)”, ñemohenda oñemoañete hag̃ua hekopete.

Ko aty, oikóva tembipurupyahu rupive, ombyaty heta tapichápe oĩva heta temimoĩmby rérape, taha’e PÑS, MEC, Mitic, Senadis, Centro de Relevo STP pegua, MTESS, Inapp SFP pegua ha Dinapi. Avei, mayma tapicha omba’apóva umi ikatupyry ambuéva rérape térã ha’ekueraite voi.

PÑS sãmbyhyhára, ha omoirũ chupe Iñe’ẽngúva Ñe’ẽ moakãharapavẽ ha Ñe’ẽ Rape’apo moakãharapavẽ, Celia Godoy, ohechauka hikuái maymávape mba’eichaitépa ojeguata ojejúvo ha mamoitémapa oñeime ko Léi 6530/20, iñe’ẽngúva ñe’ẽ rehegua, oñemohenda hag̃ua.

Ko mba’e oñemongu’éva ojejúvo omoirũ ha oykeko opaite tapicha ha temimoĩmby oikéva kóva ko léipe, upéicha hi’ã oñemohenda hekopete ha tove péicha toipytyvõ ha tou porã maymávape, ko’ýte umi tapicha oipurúva iñe’ẽngúva ñe’ẽ.

Compartir esta noticia

Últimas Noticias Publicadas