Logotipo.png
Mokõi aranduka enlhet rehegua ojeporavo de interés nacional ha cultural ramo
Publicado: 05/09/22 09:22:a. m.

Tetã remimoĩmby Cámara de Diputados oguenohẽ kuatia he’ihápe de Interés Nacional y Cultural-ha mokõi aranduka enlhet rehegua, “¡Qué hermosa es tu voz! Relatos de los enlhet sobre la historia de su pueblo” y “No llores. La historia enlhet de la Guerra del Chaco”, omono’õ ha omohendáva ñe’ẽ rehe omba’apóva, Hannes Kalisch ha Ernesto Unruh, Kalisch ombohasa enlhet ñe’ẽgui ambuépe ha ohaíva avei hese.

Ko “¡Qué hermosa es tu voz!” rupive, umi enlhet omombe’u hembiasakuérea rehegua 102 mombe’urã rupive, oñemombe’upaitéva tenonderã iñe’ẽ teekuérape. Ko’ãva rupive ikatu oñehendu mba’eichaitépa ohasa ha oñandu hikuái 100 ary aty rupi. Péicha ñanerenói hikuái ñañomongetávo hendivekuéra mayma ñande ñaiméva avei ko tetãme.

Avei, ko aranduka “No llores ¡La historia enlhet de la Guerra del Chaco!” rupive, ko’ã enlhet oñemombe’u ñandéve umi karai guasuvémava rupive. Ha’ekuéra, ohecha ha ohasava’ekue ko mba’e vaiete, omombe’u umi mba’e vaiete ohasava’ekue, umi tapicha iñambuéva chuguikuéra oñorairõ aja ijyvykuéra rehe.

Enlhet aty oĩ Maskoy ñe’ẽ rapo ryepýpe. 8.167 tapicha oĩ hikuái ha hekohakuéra opyta Presidente Hayes, Boquerón ha Alto Paraguay tavusúpe.

Ko kuatia, Declaración N° 951 rupive, Cámara de Diputados omoneĩ de Interés Nacional y Cultural ko’ã mokõive aranduka enlhet rehegua, ojejuhukuaáva aranduka oñehepyme’ẽhápe ñane retãpýpe.


Compartir esta noticia

Últimas Noticias Publicadas