Logotipo.png
Hetaitemi omoirũva amandaje guasu guarani ñe’ẽ rehegua
Publicado: 06/06/22 06:56:a. m.

Upe arapokõi ohasava’ekuépe oikókuri Guarani Ñe’ẽ Amandaje Mokõiha “Jaikuaaukave guarani ñe’ẽ”, ombosako’iva’ekue Guarani Ñe’ẽ Rerekuapavẽ aranduka jehechauka guasu Feria Internacional del Libro – FIL Asunción 2022 ryepýpe. Hetaitemi tapicha oñembojava’ekue ko atýpe, 300 rasa oñeime.

Ko amandaje guasu oipytyvõ Paraguái Ñe’ẽnguéra Sãmbyhyha (PÑS), mbo’ehaovusu Universidad Nacional de Asunción (UNA), Instituto Nacional de Educación Superior (Inaes), Ateneo de Lengua y Cultura Guaraní ha Instituto de Lingüística Guaraní del Paraguay (Idelguap).

Heta tapicha arandu, guarani hyvykoihára, ha ko ñe’ẽ mburuvicha hamba’e, ohesa’ỹijo mba’ekuaapy ko amandajépe; ko’ã mokõi mba’e guasu rehe oñeñe’ẽ: “Guarani ñe’ẽ tekombo’e ñemyatyrõ ryepýpe” ha “Guarani ñe’ẽ jekuaaukave Guarani Ñe’ẽ Rerekuapavẽ guive”.

Umi GÑR rembiapo guarani ñe’ẽ ojepurumemerã omongu’éva apytépe, oikuaauka ko ñe’ẽ remimoĩmby jesarekorã omopyendáva jehaipy guarani ñe’ẽme; Guarani Paraguái Ñe’ẽryru ñemyatyrõ ha ñembopyrusuve; Guarani Ñe’ẽ Rerekuapavẽ Remimyasãi Mokõiha, ha Guarani Ñe’ẽtekuaa mbohapyha.

PÑS guive oĩkuri ko atýpe Ñe’ẽ Rape’apo moakãharapavẽ, Celia Godoy, ha avei ko moakãhapavẽ mba’apohára Christian Godoy.

Compartir esta noticia

Últimas Noticias Publicadas