Logotipo.png
Osẽ jeýma Mombe’urã Mbyky Guarani ha Castellano-pe Ñeha’ã
Publicado: 04/28/21 06:46:a. m.

Kuehe, araapýpe, momaranduharakuéra ndive, ojekuaauka Mombe’urã Mbyky Guarani ha Castellano-pe Ñeha’ã 16-ha, ombosako’íva Centro Cultural de la República El Cabildo ha Academia Olímpica Paraguaya, ha oipytyvõva Comité Olímpico Paraguayo, Paraguái Ñe’ẽnguéra Sãmbyhyha ha Guarani Ñe’ẽ Rerekuapavẽ.

PÑS omomba’eguasu ko apopy are guivéma ojejapóva ojejúvo ha ombojuruja ha ombojopóiva peteĩchaite taha’e ohaíva guaraníme térã castellano-pe, ha péicha ohechauka oikokuaaha ojoykére ha ojohekojopy’ỹre mokõivéva ñane retã ñe’ẽ tee.

Ko ñeha’ã jeguenohẽ oiko Comité Olímpico Paraguayo koty guasúpe ha omoirũ umi temimoĩmby omosako’íva ha oipytyvõva mburuvichakuéra. Opaite jesarekorã, ha avei jopoikuéra, ko ñeha’ã rehegua, ikatúta remoñe’ẽ rehesakutúramo ko’ápe Ñoha’ã Rehegua Jesarekorãnguéra.


Compartir esta noticia

Últimas Noticias Publicadas