Logotipo.png
​Oñombyaty ha omba’apo Subcomisión de Información, Comunicación y Lengua de Señas
Publicado: 04/30/21 12:41:p. m.

Aty hérava Subcomisión de Información, Comunicación y Lengua de Señas omba’apohínakuri ko arapoteĩme, ha péicha oñombyaty hikuái mbohapyha ko 2021 arýpe. Ko aty oĩva Conadis ryepýpe omoakã Paraguái Ñe’ẽnguéra Sãmbyhyha ha ogueroike heta ambue tetã remimoĩmby ha ndaha’éi, ava’atykuéra omba’apóva ñande rapicha ikatupyry ambuéva rérape.

Ko jojuhu, oikóva tembipurupyahu rupive, ojehecha opa umi mba’e ohupytýmava oúvo ko aty; avei, oñeñe’ẽ umi ava aty remimba’ejerurepy ñembohovái rehe, mesa de evaluación omoneĩtava ñe’ẽasahárape apopy rehegua, he’iháicha Apoukapy 107/20 PÑS peguápe. Avei, oñembohape opa umi ikatuvéva ojejapo ko aty guive.

Paraguái Ñe’ẽnguéra Sãmbyhyhára, Ladislaa Alcaraz de Silvero, omoakã ko aty, ha omoirũ chupe PÑS guive Iñe’ẽngúva Ñe’ẽ Moakãharapavẽ, Celia Godoy.


Compartir esta noticia

Últimas Noticias Publicadas