Logotipo.png
​Ñe’ẽita Iberoamérica pegua ñemoasãi rehe oñeñomongeta
Publicado: 04/28/21 08:37:a. m.

Ñe’ẽ Rapereka moakãharapavẽ Paraguái Ñe’ẽnguéra Sãmbyhyha (PÑS) pegua, Celia Godoy, omoirũ kuehe peteĩ aty omono’õva heta tetãme, Conferencia de Autoridades Audiovisuales y Cinematográficas de Iberoamérica (CAACI) ryepýpe, oñehesa’ỹijohaguépe opa mba’e ojapóva tetãnguéra Iberoamérica pegua, umi ta’angamýi rehegua omoherakuãvo ñe’ẽita oikovéva umi tetãme.

Ko aty oiko kuehe, araapy 27-pe, 11:00 aravo jave, tembipurupyahu rupive, ha Paraguái rérape omoirũ avei Tetã Arandupy Sãmbyhyhára mba’apohára.

Ko CAACI ningo peteĩ aty guasu Iberoamérica pegua tetã omono’õva, oñepia’ãva ohetejorávo ta’angamýi oguatáva ñopytyvõmba ha ñomoirũmba rehe ae, jojapa ha joajúpe ojeku’évo ta’angamýi apópe tetãnguéra ndive.

Mayma umi tetã oĩva hyepýpe ningo: Argentina, Brasil, Chile, Colombia, Costa Rica, Cuba, Ecuador, España, Guatemala. Honduras, México, Panamá. Paraguái, Perú, Portugal, Puerto Rico, República Dominicana, Uruguay ha Venezuela.


Compartir esta noticia

Últimas Noticias Publicadas