Logotipo.png
MBO’EHAOVUSU UNA, CAACUPÉ PEGUÁPE, OJEHECHAUKA GUARANI
Publicado: 09/13/17 08:38:a. m.

Mbo’ehaovusu Ciencias Económicas, Universidad Nacional de Asunción (UNA), Caacupé táva pegua guive niko ojehechauka guarani jeporu joja castellano ndive, taha’e cartelería térã señalética rupive. Paraguái Ñe’ẽnguéra Sãmbyhyha guive ojeipytyvõ kuri chupekuéra omoguarani hag̃ua ko’ã haipy.

Ko apopyrã oñeha’ãva omoguarani avei opa umi cartelería ha señalética oĩva castellano-pe, oñembosako’i ha ojegueraha tenonderã Cursos de Posgrado en Didáctica Superior Universitaria guive jahechápa mayma temimbo’e tohechakuaa tuicha mba’eha ojeporu meme ha joja mokõive ñane retã ñe’ẽtee.

“Ko aponde’a romomba’eterei oĩgui ipype umi mbo’ehaovusu mbo’ehararã ha péicha omoñepyrũma hikuái mokõive ñane ñe’ẽtee jeporu joja jehekombo’e, apereka térã ambue mbo’ehaovusu rembiapópe”, he’i ko Mbo’ehovusu mburuvichakuéra.

Paraguái Ñe’ẽnguéra Sãmbyhyha niko omomba’eterei ko’ẽ rei rehe hetave oĩre temimoĩmby omoirũva mokõive ñane ñe’ẽtee jeporu joja ha guarani ñemotenonde, ha’e rupi ñane retã arandupy ñe’ẽtee, ñe’ẽ ñane mbojoajúva ha hetave ojeporúva ñane retãme.


Compartir esta noticia

Últimas Noticias Publicadas